Controlla da habitonts

Controlla da habitonts

Annunzia en vischnaunca

Mintga persuna ei obligada da s'annunziar tier la controlla da habitonts enteifer 8 dis dapi l'arrivada en vischnaunca. Ils suandonts documents ein da mussar avon:

Svizzers/Svizras:

  • scret da patria

  • cudisch da famiglia (sche affons)

  • copia dalla polica dalla cassa da malsauns (entira famiglia)

  • (possessurs da tgauns: attest dil tgaun)

Jasters/jastras:

  • formular „Anmeldung für ausländische Staatsangehörige“ (Zusatz zum A1/B1)

  • formular A1/B1 (damonda per ina lubientscha da jasters), emplenir ora complet e suttascriver

  • copia dil passaport ni dalla carta d'identitad

  • copia dalla polica dalla cassa da malsauns "Svizra" (entira famiglia)

  • lubientscha da jasters veglia (sche avon maun)

  • Nova fotografia da passaport

  • (possessurs da tgauns: attest dil tgaun)

Jamnils/jamnilas:

  • assegn da dimora


Annunzia dalla partenza:

Mintga persuna ei obligada da s'annunziar giu enteifer 8 dis dapi la partenza tier la controlla da habitonts.

Svizzers/Svizras

1. pusseivladad; annunziar giu egl internet:

  • purtar en la partenza sin la pagina d'internet dalla vischnaunca (nova adressa, datum da partenza etc.)

  • Il scret da patria vegn tarmess alla nova adressa


2. pusseivladad; annunziar giu vid il spurtegl:

  • emplenir ora il formular da partenza (nova adressa, datum da partenza etc.)

  • restituziun dil scret da patria

Jasters/jastras:

Tier persunas, ch'ein el posses dad ina lubientscha L/L-EU / G/G-EU / N ni F, sa il patrun annunziar giu la persuna direct egl Internet (adressa exacta, datum da partenza):

Austrittsmeldung des Arbeitgebers

Persunas, che possedan ina lubientscha B/B-EU ni C/C-EU, ston s'annunziar giu persunalmein tier la controlla da habitonts. La lubientscha da jasters sto vegnida mussada avon.


Midadas d'adressa enteifer la vischnaunca

Midadas d'adressa ston medemamein vegnidas annunziadas enteifer 8 dis.

Nus duvrein las suandontas indicaziuns:

Svizzers/Svizras (era pusseivel per telefon):

  • adressa nova

  • datum da midada

  • annunziar la midada dad auters commembers dalla famiglia

Jasters/jastras (annunzia persunalmein vid il spurtegl):

  • adressa nova

  • datum da midada

  • annunziar la midada dad auters commembers dalla famiglia

  • lubientschas da jasters

  • copia dil passaport ni dalla carta d'identitad


Assegn da dimora duront la jamna en in auter liug 

Sche Vus essas duront la jamna (pli ditg che 3 meins) en in'autra vischnaunca e turneis regularmein mintga fin d'jamna anavos en la vischnaunca da Breil, essas Vus obligai, da s'annunziar en tschei liug sco jamnil(a). 

Per s'annunziar sco jamnil(a) en in'autra vischnaunca duvreis Vus in assegn da dimora. Quel saveis Vus empustar tier la vischnaunca da Breil. Per tschentar ora qual duvrein nus l'adressa exacta ed il datum dalla midada d'adressa.

Sche Vus turneis anavos en nossa vischnaunca, essas Vus obligai da s'annunziar giu en tschei liug.

assegn da dimora = frs 20.00 
prolungaziuns = gratuit


Assegn da domicil

Bugen confirmein nus cugl assegn da domicil, che Vus veis il domicil principal en nossa vischnaunca. (Igl assegn da domicil vegn duvraus savens per confirmaziuns per scolas ni era per la SBB (GA/BÜGA).

assegn da domicil = frs 10.00


Mortoris

In commember dalla famiglia sto fa l'annunzia alla vischnaunca per Telefon .

Impurtont:

  • datum da mortori

  • liug da mortori (a casa, asil ni Spital)

  • di da sepultura

  • urna ni bara

Sche la persuna ei morta a casa (enteifer la vischnaunca da Breil):

In commember dalla famiglia sto purtar perunalmein igl attest da morts sin vischnaunca. Perquei ch'il miedi ei buca legitimaus d'annunziar sez la mort agl uffeci civil, sto la vischnaunca annunziar il mortori cun in formular, ch'il commember dalla famiglia suttasciva.

Tier mortoris el spital ni egl asil ei gliez denton buca necessari.


Carta d'identitad

La damonda sa vegnida tschentada vid il spurtegl dalla vischnaunca:

- buna fotografia da pass (buca rir, ei sto haver in ur entuorn il tgau)

- prender cun la carta d'identitad veglia (era sche lezza ei gia currida giu)

- Ei sto vegnir quintau cun in temps da spetga da 7 tochen 10 dis.

Affons naven da 7 onns ston vegnir persunalmein cul bab ni la mumma per suttascriver. Naven da 14 onns vegn la grondezia era dumandada.

Mintga persuna sto vegnir persunalmein vid il spurtegl (eral affons naven da 7 onns).

Sche Vus haveis in passaport che cuora medemamein giu el proxim temps, dat ei era la pusseivaldad da far ina combinaziun (passaport ensemen cun carta d'identitad). Quella pusseivladad porscha denton mo Cuera "Center da documents d'identitad, Gäuggelistrasse 7, 7002 Chur”.

- Far giu in Termin (tel. 081 257 52 20) - prender cun il passaport vegl (la carta d'identitad veglia sche Vus vuleis far ina combinaziun) - ina fotografia ei buca necessaria

Uffeci da migraziun e dretg civil GR
Center da documents d'identitad
Gäuggelistrasse 7
7002 Cuera
Tel. 081 257 52 20
Temps d'avertura: Gl - Gi 08:00 - 12:00 e 13:30 - 17:00 / Ve 08:00 - 16.00 atras


video carta d'identitad e pass


Cuosts (incl. porto):

Carta d'identitad carschi

 

frs

70.00

Carta d'identitad affons

 

 frs

35.00

Sa vegnir fatg tier la vischnaunca

 

Passaport carschi (Pass 10)

 

frs

145.00

Passaport affons (Pass 10)

 

frs

65.00

Pass provisoric carschi/affons

 

frs

100.00

Combinaziun (Passaport e carta d'identitad ensemen) carschi

 

frs

158.00

Combinaziun (Passaport e carta d'identitad ensemen) affons

 

frs

78.00

Sa mo vegnir fatg tiel Center da documents d'identitad

 


Informaziuns per entrada ell'USA (pagina tudestga)