Taglia da tgauns

Taglia da tgauns


- 1. tgaun = frs. 75.--

- Mintga ulteriur tgaun ella medema casada = frs. 150.--
- Ils emprems 3 meins ein gratuit



Nus supplichein da risguardar ils suandonts puncts:

Per possessurs che han l’emprema ga in tgaun

- Vus stueis vegnir persunalmein vid il spurtegl:
   L’administraziun communala fa in account ella banca da datas AMICUS.
  
(Las datas d’access obtenis Vus per posta.)

-  Facultativ (naven dils 01-01-2017)
  
Avon che Vus prendis la decisiun definitiva dad acquistar in tgaun, dat la pusseivladad da far in
   cuors teoretic SKN.
Pusseivladads en vischinonza: „Fludog“ Mustér www.fludog.ch
  
(La confirmaziun dil cuors saveis Vus inoltrar all'administraziun communala.)

 

Chip

Il tgaun ha gia in chip:
Igl anteriur possessur sto surdar il tgaun via AMICUS al niev possessur. Per saver far quei, basegna el la schinumnada „Personen ID“ dil successur. Silsuenter saveis Vus registrar sut AMICUS ed acceptar il tgaun sin Vies conto.
(Vus saveis era supplicar il veterinari ni la vischnaunca da far la mutaziun).

Il tgaun ha aunc buca in chip:
Lu stueis Vus ir cul tgaun tiel veterinari. Tal vegn ad implentar il chip, registrar il tgaun sut AMICUS ed attribuir el a Vus.

 

Import da tgauns digl exteriur

Importeis Vus il tgaun digl exteriur? Lu stueis Vus ir cul tgaun enteifer 10 dis tier in veterinari dalla Svizra. Tal attribuescha il tgaun a Vus via AMICUS.

 

Taglia da tgauns

-  Suenter haver acquistau il tgaun stueis Vus aunc inaga vegnir vid il spurtegl (enteifer 15 dis) e
   pagar la taglia digl onn actual (pro rata).

-  Igl onn proxim retschevis Vus il quen cun la taglia annuala.

 

Responsabladad egl AMICUS

Vus essas responsabels ch’ils suandonts cass vegnan tschaffai ella banca da datas AMICUS (Vus saveis era supplicar il veterinari ni la vischnaunca da far la mutaziun).

- Surdada ed acquisiziun

- Mortori

- Export dil tgaun egl exteriur

 

Leschas

- Contact social, moviment e relaziun tiel tgaun
  (Art.70-73 TSchV)

- Il possessur sto prender mesiras, ch’il tgaun metta buca en prighel carstgauns ed animals
  (Art. 77 TSchV)

 

Facultativ (naven dils 01-01-2017):
Ei dat la pusseivladad da far in cuors practic SKN cul tgaun.
Pusseivladads en vischinonza: „Fludog“ Mustér
www.fludog.ch
(La confirmaziun dil cuors saveis Vus inoltradar all’administraziun communala.)

 

info@amicus.ch
www.amicus.ch

 

undefined

Augen auf beim Hundekauf