Administraziun communala Breil

Empustaziun da pigneuls da Nadal

Ils pigneuls vegnan furni en grondezias da ca. 50 cm tochen 250 cm. Ils prezis muntan mintgamai tenor qualitad e lunghezia sco era tenor sort denter frs. 15.00 e frs. 80.00. Ins sa empustar pégn e pégn nordic.

Las empustaziuns ein d’inoltrar alla canzlia communala a scret ni per telefon (081 920 10 30) entochen sil pli tard mesjamna, ils 04 da december 2024.

Nus fagein attents la populaziun ch’igl ei scumandau da pinar pignola els uauls da vischnaunca. Cuntravenziuns vegnan punidas conform alla lescha forestala!

La vendita dils pigneuls empustai succeda sco suonda:

Breil-vitg:
Avon il luvratori Bostg, ils 20 da december 2024
naven dallas 13.00 uras entochen las 14.00 uras.

Andiast/Vuorz:                     
Avon il luvratori communal a Vuorz, ils 20 da december 2024
naven dallas 13.30 uras entochen las 14.00 uras.

Danis/Tavanasa, Dardin:     
Vegnan reparti ils 20 da december 2024 avonmiezdi.