Revisiun parciala dalla lescha d'energia dil cantun Grischun

Il cantun Grischun ha liquidau sias incumbensas el sectur dall'efficienza energetica dils edifecis. Principalmein vegnan las pretensiuns legalas adattadas enviers il "stadi dalla tecnica".

Cun la revisiun parciala dalla lescha d'energia dil cantun Grischun suondan las basas legalas el sectur dils edifecis il model da prescripziuns energeticas dils cantuns digl onn 2014 (MoPEC 2014). La revisiun parciala dalla lescha cantunala d'energia (LEG) sco era l'ordinaziun d'energia respectiva (OEG) entran en vigur cugl 01 da schaner 2021 – senza fasa transitorica. Vinavon ein las vischnauncas cumpetentas per exequir las prescripziuns da construcziun.

Midadas impurtontas:

Edifecis novs:

• Las pretensiuns enviers l'isolaziun termica sco era enviers la producziun da calira vegnan augmentadas.
• Edifecis novs ein suttamess all'obligaziun da producir atgna electricitad.

Sanaziuns:

• Tier in remplazzament dil producider da calira vegn pretendiu 10% energia regenerabla ni in consum pli bass en la medema dimensiun. Per quei intent vegn introduciu in'obligaziun d'annunzia.

Las informaziuns ed ils formulars anfleis Vus sin nossa pagina d’internet:
https://www.breil.ch/spurtegl-online/damondas-e-lubientschas/damonda-da-baghegiar/

Execuziun:

• L'introducziun d'ina "controlla privata" cumplettescha e simplifichescha l'execuziun.

Promoziun:

• Niev vegn promoviu implonts fotovoltaics, ch'ein optimai per producir electricitad duront igl unviern.

Ina survesta detagliada anfleis Vus sut: www.energienachweis.gr.ch. Leu anfleis Vus era ils formulars da cumprova, ils agids d'execuziun detagliai e las informaziuns las pli impurtontas per mintga sectur.

Uffeci da baghegiar Breil/Brigels