Annunzia electronica per l`intermediaziun da lavur naven dils 1 da fenadur 2021
Naven dils 1 da fenadur 2021 entra ina revisiun dalla lescha davart la segirada da disoccupaziun en vigur.
Ina impurtonta novaziun ei, ch`il disoccupau ha la pusseivladad da s`annunziar electronicamein per l`intermediaziun da lavur. Aschia relai il legislatur las vischnauncas cun ils 1 da fenadur 2021 ord l`execuziun dalla segirada da disoccupaziun.
Per las persunas ch`enqueran lavur resp. ils disoccupai munta quei il suandont:
- Tgi che vul egl avegnir vinavon s`annunziar persunal per l`intermediaziun da lavur, sto da niev far quei tier la RAV regiunala.
- Da niev sa la persuna ch`enquera lavur era s`annunziar electronicamein sin www.arbeit.swiss. In muossavia anfleis Vus sin www.kiga.gr.ch .
- Tier damondas stat la RAV regiunala sco era la hotline pertuccont annunzias bugen a disposiziun sut la numera 081 257 30 84.
Bien engraziament per prender enconuschientscha.
Administraziun communala Breil
