Situaziun geografica
La vischnaunca da Breil sesanfla enamiez il territori romontscha dalla Surselva. Da vart dretga dil Rein s’extenda il territori communal sur ina sdrema teissa entochen sin la planira dalla vischnaunca da Sursaissa.
Da vart seniastra dil Rein tonscha il territori dil funs dalla val sur las spundas suleglivas entochen al sparta-auas dil Pass Lembra. Al nord cunfinescha la vischnaunca cul cantun Glaruna. Agl ost sesanfla la vischnaunca da Ilanz/Glion ed al vest la vischnaunca da Trun.
Las differenzas d’altezia enteifer il territori communal ein considerablas. Il terren agricol situaus il pli bass sesanfla sin sut 800 m s.m. Ils praus ils pli aults contonschan al pei dallas alps bunamein 1'800 m s.m. Las alps da biestga s’extendan da circa 1'500 m s.m. entochen agl ur dalla vegetaziun. Plirs pézs contonschan in’altezia da varga 3'000 m s.m.
Il territori al pei dil Péz d’Artgas che fuorma il territori da skis vegn cunfinaus dils flums Flém e Ladral che flessegian ord las vals Frisal e Ladral. Il Schmuer fuorma il cunfin viers la vischnaunca Ilanz/Glion.
