Tier ils formulars da luvrers jasters
La vischnaunca da Breil ei responsabla per annunzias, midadas d'adressa, prolungaziuns da lubientschas, reuniun da famiglias, midadas da lubientscha, naturalisaziuns e partenzas. Nus stein era bugen a disposiziun per damondas ed ulteriur sclariment.
Impurtont
Damondas per lubientschas da luvrers jasters ston esser sin vischnaunca avon che entscheiver a luvrar (ulteriuras informaziuns anfleis Vus sut ils lungatgs).
Annunzias
- formular „Anmeldung für ausländische Staatsangehörige“ (supplementar tier il formular A1/B1)
- formular A1/B1 (damonda per ina lubientscha da jasters), emplenir ora complet e suttascriver
- copia dil passaport ni dalla carta d'identitad
- copia dalla polissa dalla cassa da malsauns "Svizra" (entira famiglia)
- lubientscha da jasters veglia (sche avon maun)
- (possessurs da tgauns cun lubientscha B ni C: attest dil tgaun)
Extradas da lavur / partenzas
Tier persunas, ch'ein el posses dad ina lubientscha L/L-EU / G/G-EU / N ni F, sa il patrun ensemen cul luvrer jester emplenir ora il formular che sa vegnir cargaus giu egl internet: "Austrittsmeldung des Arbeitgebers" (sto esser empleniu ora complet cun suttascripziun dil patrun e luvrer).
Persunas, che possedan ina lubientscha B/B-EU ni C/C-EU, ston s'annunziar giu persunalmein tier la controlla da habitonts e pagar la taxa da cumpensaziun da pumpiers. La lubientscha da jasters sto vegnida mussada avon.
Procedura d'annunzia "Meldeverfahren"
Persunas jastras ch'ein lemprema ga enteifer igl onn en Svizra e lavuran buca pli ditg che 3 meins san vegnir annunziai cul "Meldeverfahren".
ADATG! Il luvrer astga pér entscheiver a luvrar cura che la lubientscha digl uffeci per industria, mistregn e lavur dil cantun Grischun (KIGA) ei avon maun.
Sche la persuna vegn ina secunda enteifer il medem onn en Svizra sto ella vegnir annunziada tier la vischnaunca (era sche la persuna ei buca cheu pli ditg che 3 meins).
Patruns cun luvrers jasters el sectur d'asil
Entradas en plazza, midadas da plazza ed extradas ston dapi igl onn 2019 mo aunc vegnir annunziadas cun in B1 alla vischnaunca tier requirents d'asil (lubientscha N). Tier persunas cun ina lubientscha F ni fugitivs renconuschi sto il patrun denton far l'annunzia cul suandont link:
