Per l'erecziun, il menaschi e manteniment dalla purificaziun d'aua, ils reservoirs e las reits da conduct basegna ei mieds finanzials. Ils cuosts ston vegnir curclai cun las entradas en connex cul diever d'aua da beiber. La basa fuorma il reglament d'aquaduct e provediment d'aua.
Il diever vegn eruius entras in dumbrader d'aua. Normalmein sesanfla en mintga immobiglia in dumbrader. Inagada ad onn vegn tarmess ina carta per leger giu il stan d'aua entras la vischnaunca. Sin fundament da lez vegn tschentau quen al possessur ni al representant.
Locataris da habitaziuns pagan il diever d'aua sur ils cuosts accessoris.
Taxa da colligiaziun tier baghetgs novs e renovaziun tenor ils reglaments actuals.
