Declaronza da taglia
Il termin d'inoltraziun dalla declaronza da taglia ei fixaus suandontamein:
31-03 per pagataglias primars (habitontas e habitonts)
30-09 per ils pagataglias secundars (cun possess da schischom)
30-09 per persunas sursesez (persunas independentas) sco era per ils purs
La declaronza da taglia ei d'inoltrar directamein all’administraziun da taglia dil cantun Grischun a Cuera:
Kantonale Steuerverwaltung GR
Verarbeitungszentrum 1/KO
Steinbruchstrasse 18
7001 Chur
Prolungaziun dil termin d'inoltraziun
Damondas da prolungaziun dil termin d'inoltraziun dalla declaronza da taglia ein da tschentar mintgamai avon la curdada dil termin fixau. Talas damondas ston vegnir fatgas a scret, per e-mail ni sut quei link all’administraziun da taglia dil cantun Grischun.
Quen da taglia
La taglia communala vegn tschentada a quen mintgamai il schaner digl onn suenter sin fundament dils facturs da taglia dalla perioda precedenta. Ils termins da pagament ein fixai sco suonda: emprema rata entochen ils 31-05 / la secunda rata entochen ils 31-07 / ni igl entir importo entochen ils 30-06. Per pagaments retardai vegn engravegiau in tscheins da retard da 4%. Ei vegn prestau negin tscheins da bonificaziun per restituziuns da taglia.
Ina damonda per in pagament en ratas ni levgiament da pagament per la taglia cantunala e la taglia federala directa sa vegnir fatga en scret all' administraziun da taglia dil cantun Grischun sut quei link.
