Fundaziun Retoromana
Cuors romontsch sursilvan a Curaglia
La Fundaziun Retoromana Pader Flurin Maissen (FRR) organisescha per l’emprema ga – sper il Cuors romontsch sursilvan intensiv – in «Cuors d’atun». Quel ha liug ella medelina a Curaglia, dils 19 – 25 d’october 2024 (sonda tochen venderdis). Il cuors sedrezza ton a persunas senza enconuschientschas preliminaras, sco era a participontas ed a participonts che han absolviu tochen e cun rodund 160 lecziuns da romontsch.
Il «Cuors d’atun» a Curaglia sespleiga buc en livels, sco quei ch’igl ei usitau en cuors tradiziunals, mobein tenor cuntegns. L’instrucziun ha liug mintga di en otg sequenzas da 30 minutas. Las participontas ed ils participonts han la libertad da decider sezs, tgei sequenzas ch’els vulan frequentar. Sco alternativa han els la pusseivladad da sligiar pensums ni da luvrar vid incumbensas individualas. Daferton ch’in scolast instruescha, agescha ina secunda persuna d’instrucziun sco coach en ina stanza separada e sustegn las participontas ed ils participonts en lur process d’emprender.
Entgins puncts da program il suentermiezdi ni la sera el rom dil program accumpignont cumpleteschan la purschida singulara.
Informaziuns ed annunzia: frr.ch/annunzia-medelina
Liug da cuors e dimora: medelina.ch
