Viver a Breil

Viver a Breil

Beinvegni a Breil

Breil ei ina tipica vischnaunca muntagnarda. In grond diember da menaschis purils cultiveschan aunc oz cun premura praus ed alps e fuorman aschia ina impurtonta basa pil turissem ch’ei dapi varga 100 onns ferm da casa a Breil.

Pli che 60% dalla populaziun ei engaschada el sectur terziar e da mistregn quei che confirma claramein l’impurtonza dil turissem per la vischnaunca da Breil. Per possibilitar ina optimala informaziun a vischins/as e hosps sco era a proprietaris da schischom buca sesents en vischnaunca havein nus elegiu il mied internet. Cun las suandontas paginas vegnan las novitads da nossa vischnaunca e las purschidas dalla administraziun communala presentadas a Vus.

Haveis Vus animaziuns e propostas ni era critica per nossas paginas d’informaziun, lu communichei quei a nus sut info(at)breil.ch. Dil reminent selegrein nus era zun fetg sur d’in laud.

Clau Schlosser
President communal