Attests da conduita ein excepziuns. Normalmein vegn duvrau igl attest sur dalla habilitad d'agir che ha era remplazzau igl attest da conduita. Igl ei denton pusseivel, che las indicaziuns digl attest sur dalla habilitad d'agir tonschan buca per certs intents ufficials. En quels cass sa vegnir empustau tier la vischnaunca in attest da conduita.
La damonda sa vegnir fatga el spurtegl online. Il motiv daco ch'igl attest vegn duvraus sto vegnir numnaus. Per saver tschentar ora igl attest basegna ei aunc ina copia dalla carta d'identitad ni dil pass ed in extract dil register penal.
